Austurríska landsliðið mætir í kvöld Eistlandi í undankeppni EM. Marcel Sabitzer, leikmaður Manchester United er lykilmaður landsliðsins og skoraði tvö mörk í sigrinum gegn Aserbaídjan á föstudag.
Sabitzer þurfti að fara af velli vegna hnémeiðsla á 74. mínútu og Ralf Rangnick, fyrrum bráðabirgðastjóri United og nú þjálfari Austurríkis, segir að Sabitzer sé tæpur en gæti þrátt fyrir það spilað gegn Eistum í kvöld.
Sabitzer þurfti að fara af velli vegna hnémeiðsla á 74. mínútu og Ralf Rangnick, fyrrum bráðabirgðastjóri United og nú þjálfari Austurríkis, segir að Sabitzer sé tæpur en gæti þrátt fyrir það spilað gegn Eistum í kvöld.
Sabitzer gat ekki tekið þátt í æfingu um helgina og óvíst hversu alvarleg meiðslin eru.
Sabitzer ber fyrirliðabandið í fjarveru David Alaba og væri það mikið áfall ef miðjumaðurinn verður ekki með í kvöld.
„Þegar allt kemur til alls snýst þetta um sársauka og sársaukaþröskuld hjá Marcel. Auðvitað vonum við að Marcel nái sér, sérstaklega eftir leikinn í Linz. Á þessari stundu er ég bjartsýnn að hann geti spilað, þetta snýst um hvort hann telji sig kláran. Ég geri ráð fyrir að hann spili," sagði Rangnick á blaðamannafundi.
Manchester United þarf á kröftum Sabitzer að halda vegna leikbanns Casemiro og meiðsla Christian Eriksen. Stuðningsmenn United vonast til þess að Sabitzer komi heill heilsu til baka eftir landsleikjahléið. Hann er á láni hjá United frá Bayern Munchen fram á sumarið.
Athugasemdir
