Agla María í leik með Blikum í Meistaradeildinni.
Meistaradeild kvenna kláraðist á dögunum og var það Lyon sem stóð uppi sem sigurvegari. Var það í annað sinn sem Sara Björk Gunnarsdóttir er í sigurliði Meistaradeildarinnar.
Barcelona var silfurliðið að þessu sinni, en þær áttu markahæsta leikmann keppninnar; bestu fótboltakonu í heimi í augnablikinu, Alexia Putellas.
Þegar listinn yfir markahæstu leikmenn Meistaradeildarinnar var opinberaður, þá mátti sjá þar nafn sem við Íslendingar þekkjum vel: Öglu Maríu Albertsdóttur.
Agla María spilar núna með Häcken í Svíþjóð en hún lék með Breiðabliki í Meistaradeildinni og hjálpaði hún liðinu að fara alla leið í riðlakeppnina með því að skora alls sex mörk í keppninni.
Agla María er þarna á lista með Putellas, Vivianne Miedema og Ödu Hegerberg svo einhverjar séu nefndar.
Magnað að sjá Öglu Maríu á þessum lista 👏👏👏 https://t.co/5RbwQbgNAA
— Ólafur Pètursson (@OliPet72) May 24, 2022
Athugasemdir
