| sun 27. september 2020 21:56 |
|
Heimir Guðjóns: Spiluðum ekki vel í dag
Heimir var ekki sáttur með spilamennsku sinna manna.
„Ég er ánægður með stigið en mér fannst Breiðablik betri í þessum leik á löngum köflum. Þeir eru með góðar færslur og við spiluðum ekki nógu vel í dag." sagði Heimir eftir leikinn.
Lestu um leikinn: Valur 1 - 1 Breiðablik
Valur hafði fyrir leikinn í kvöld unnið tíu síðustu deildarleiki sína og stefna hratt að Íslandsmeistaratitlinum. Úrslitin í kvöld voru hins vegar örlítil hraðahindrun.
„Blikarnir stoppuðu okkur og í þessum leik þarf maður að hugsa um sjálfan sig. Við þurfum að æfa vel í vikunni og vera klárir næsta sunnudag."
Valgeir Lunddal fékk að lýta tvö gul spjöld með stuttu millibili og þar með rautt. Valgeir hefur spilað vel á tímabilinu og hefur verið orðaður við brottför í atvinnumennsku.
„Ég var að undirbúa skiptingu og sá þetta ekki nógu vel. Valgeir klárar 100% tímabilið með okkur." sagði Heimir aðspurður útí rauða spjaldið og framhaldið hjá Valgeiri.
Nánar er rætt við Heimi í spilaranum að ofan.
Athugasemdir
Nýjustu fréttirnar
