Orri Steinn var magnaður í kvöld
Stefán Teitur var mikilvægur í sigri Silkeborg
Orri Steinn Óskarsson skoraði tvö og lagði upp eitt í 9-0 slátrun FCK á Lyseng í þriðju umferð danska bikarsins í kvöld. Stefán Teitur Þórðarson var þá með bestu mönnum Silkeborg sem vann 3-1 sigur á Thisted.
Orri nýtti tækifærið vel í byrjunarliði FCK. Hann skoraði tvö mörk á fimm mínútum.
Fyrra markið var einföld afgreiðsla, en það síðara var stórbrotið þar sem hann lék á hvern varnarmanninn á fætur öðrum áður en hann kom boltanum í netið.
Hann lagði þá upp fimmta mark liðsins og er því í heildina komið að ellefu mörkum í fimmtán leikjum sínum með liðinu í öllum keppnum á tímabilinu. Orri fór af velli snemma í síðari hálfleiknum .
Skagamaðurinn Stefán Teitur Þórðarson spilaði allan leikinn fyrir Silkeborg sem vann Thisted, 3-1. Hann var með bestu mönnum leiksins, en það kemur fram í grein Midtjyllandavis.
Ísak Óli Ólafsson og hans menn í Esbjerg eru úr leik eftir 4-3 tap gegn Viborg. Ísak var allan tímann á bekknum.
Íslendingalið Öster gerði 1-1 jafntefli við Helsingborg í sænsku B-deildinni. Þorri Mar Þórisson var á bekknum en kom ekki við sögu og þá var Alex Þór Hauksson ekki í hóp.
Valgeir Lunddal Friðriksson var ekki í hópnum hjá Häcken í 4-1 bikarsigri á Jonsereds.
Alfons Sampsted lék allan leikinn í hægri bakverðinum í 1-0 sigri Twente á Vitesse og er Twente nú í 3. sæti með 15 stig og besti vinur hans, Willum Þór Willumsson, lék allan leikinn í 3-0 tapi Go Ahead Eagles gegn PSV. Go Ahead er með 10 stig í 6. sæti.
Athugasemdir
