De Bruyne meiddist í fyrsta deildarleik Man City og hefur ekkert spilað síðan.

Miðjumaðurinn hefur verið að glíma við meiðsli aftan í læri en hann er allur að koma til og vonast til að mæta aftur á völlinn sem fyrst.

„Endurhæfingin gengur vel og allt að gerast. Það er enn eitthvað í mig, en það kemur. Vonandi verð ég klár rétt eftir áramót, það er að segja ef allt gengur vel,“ sagði De Bruyne í viðtali við Sky í Abu-Dhabi um helgina, en þar var hann mættur til að fylgjast með síðasta kappakstri tímabilsins í Formúlu 1.