Fótbolti.net

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

Steini Halldórs: Samkvæmt reglum á að stoppa leikinn

fim 28. janúar 2021 14:22

Elvar Geir Magnússon

Þorsteinn Halldórs: Ég varð að hugsa um sjálfan mig

Þorsteinn Halldórsson

Mynd: Fótbolti.net - Hafliði Breiðfjörð

„Mér líst vel á þetta. Það er tilhlökkun og ég er klár í þetta," sagði Þorsteinn Halldórsson, nýráðinn landsliðsþjálfari, við Fótbolta.net í dag.

„Ég kem inn með mínar áherslur og reyni að koma þeim hratt og vel inn. Næsti gluggi fer í að kynnast leikmönnum og hvort ég nái að koma öllum þeim breytingum sem ég vil gera. Ég tek við liðinu á góðum stað og við góðu búi."

Margir leikmenn hafa farið úr Pepsi Max-deildinni í atvinnumennsku erlendis í vetur. „Það eru fleiri að fara út og það kannski sýnir að það er eitthvað verið að gera gott hérna. Þetta eru engin smálið sem eru að fá leikmenn. Við getum ekki talað okkur niður. Félögin eru búin að gera góða hluti og búa til leikmenn sem eru samkeppnishæfir í góðum liðum. Það er spennandi."

EM átti að fara fram í Englandi í sumar en mótinu var frestað þar til næsta sumar vegna kórónuveirunnar. Gæti það hjálpað ungu liði Íslands að fá meiri tíma í undirbúning? „Já það gæti gert það. Við þurfum að vera einbeitt á að það er undankeppni HM (í haust) og við viljum komast á HM. Við viljum afreka það að vera fyrsta kvennaliðið sem fer á HM."

„Fókusinn fer á það núna. Við getum tekið góða spilamennsku í undankeppninni inn í EM. Við getum ekki horft í að vera bara góð á EM. Við þurfum að vera klár þegar undankeppni byrjar og fókusinn er að vera tilbúin í haust, þegar leikirnir byrja þá,"

Ásmundur Haraldsson kemur aftur inn sem aðstoðarþjálfari kvennalandsliðsins og Ólafur Pétursson verður markmannsþjálfari en hann hefur unnið með Þorsteini hjá Breiðabliki.

„Ástæðan fyrir því að ég tek Ása inn er þekking hans og reynsla á þessu því ég hef ekki verið áður landsliðsþjálfari. Ási fór á EM síðast og ég get nýtt mér það sem hann lærði þar, hvað var gott þar og hvað mátti betur fara. Þá er ég ekki að rekast á veggi. Þess vegna vildi ég fá mann með góða reynslu."

Þorsteinn hefur gert góða hluti með Breiðablik undanfarin sjö ár og segir erfitt að hætta störfum þar.

„Þetta var erfið ákvörðun en þetta var eitthvað sem ég varð að gera fyrir sjálfan mig. Ég varð að hugsa um sjálfan mig og láta á það reyna hvort ég hefði eitthvað í þetta að gera. Ég er pottþéttur á því að þau finna einhvern góðan sem tekur við þessu og heldur áfram að gera góða hluti eins og alltaf í Kópavoginum."

Hér að ofan má sjá viðtalið í heild sinni.