Kasakstan 0 - 2 Frakkland
0-1 Ousmane Dembele ('19)
0-2 Sergiy Maliy ('44, sjálfsmark)
0-1 Ousmane Dembele ('19)
0-2 Sergiy Maliy ('44, sjálfsmark)
Ríkjandi heimsmeistarar Frakklands heimsóttu Kasakstan í annarri umferð í undankeppni fyrir HM í Katar 2022.
Heimamenn í Kasakstan mættu til leiks með afar varnarsinnað lið og fundu heimsmeistararnir ekki margar glufur á varnarleiknum. Ein slík glufa opnaðist á 19. mínútu þegar glæsilegur snúningur Anthony Martial á knettinum gerði Ousmane Dembele kleift að skora opnunarmark leiksins.
Frakkar fengu afar lítið af færum það sem eftir lifði hálfleiks og voru heppnir að tvöfalda forystuna skömmu fyrir leikhlé þegar Sergiy Maliy gerði sjálfsmark.
Síðari hálfleikurinn var aðeins opnari en hvorugu liði tókst að skora og var forysta Frakka aldrei í hættu.
Athugasemdir