Adam Lallana er að snúa aftur heim
Enska blaðið Telegraph fullyrðir að Southampton sé í viðræðum við enska miðjumanninn Adam Lallana, en hann er að snúa aftur til félagsins eftir tíu ára fjarveru.
Lallana, sem er 36 ára gamall, er án félags eftir að hafa yfirgefið Brighton.
Englendingurinn hóf feril sinn hjá Southampton og var meðal annars í liði ársins í ensku úrvalsdeildinni tímabilið 2013-2014.
Liverpool keypti hann eftir tímabilið og eyddi hann sex árum þar áður en hann gekk í raðir Brighton.
Telegraph greinir frá því að Southampton sé nú í viðræðum við Lallana.
Miðjumaðurinn vill ljúka ferlinum hjá uppeldisfélaginu, sem kom sér upp í ensku úrvalsdeildina um nýliðna helgi.
Athugasemdir
