Bikarmeistarar Liverpool mæta Englandsmeisturum Manchester City í leiknum um Samfélagsskjöldinn á laugardag og á fréttamannafundi fyrir leikinn var Klopp spurður út í stöðu Firmino í liðinu.

„Bobby skiptir sköpum fyrir okkur, hann er hjarta og sál liðsins. Allt lítur vel út. Hann er okkur nauðsynlegur," segir Klopp.

Á fundinum kom einnig fram að markvörðurinn Alisson og Diogo Jota verði ekki með í leiknum á laugardag.

„Alisson æfði meira í dag en í gær svo hann verður pottþétt klár gegn Fulham í fyrstu umferð deildarinnar. Því miður er einhver bið í að Diogo verði klár," segir Klopp.

Allt bendir til þess að Adrian verði í markinu á laugardag þar sem Caoimhin Kelleher er einnig fjarri góðu gamni vegna meiðsla.