Fyrr í dag kom fram að Liverpool hafi hafnað tilboði frá Meistaradeildarfélagi í Carvalho. Fabrizio Romano segir að félögin séu enn í viðræðum og gæti Liverpool hleypt honum í burtu ef ákveðnum skilyrðum er mætt.

Aðeins ár er síðan hann kom til félagsins frá Fulham en hann spilaði aðeins 730 mínútur í 22 leikjum á nýafstöðnu tímabili.

Portúgalski leikmaðurinn vill fá að spila meira og gæti því þurft að færa sig um set en miðað við nýja færslu hans á Instagram þá fær hann ekki að fara.

Carvalho birti mynd af sér með lyndistákni af keðjum eins og honum sé haldið föngnum hjá Liverpool. Einn skrifar undir myndina að hann sé ofurmódel og svaraði Carvalho því með að segja: „Það er það eina sem ég geri núna.“