FCK er danskur meistari annað árið í röð en þetta varð ljóst eftir að Nordsjælland tapaði fyrir Bröndby, 5-1, í dag.
Ísak Bergmann Jóhannesson og Hákon Arnar Haraldsson voru báðir á bekknum í liði FCK er það vann Viborg, 2-1, fyrr í dag.
Ísak kom inn af bekknum á 65. mínútu og hjálpaði FCK að landa sigrinum og náði liðið þar með fimm stiga forystu á toppnum.
Nordsjælland þurfti því að vinna sinn leik til að eiga möguleika á að halda í við FCK fyrir lokaumferðina. Það tókst ekki og tapaði liðið 5-1 gegn Bröndby.
Íslendingarnir þrír í FCK eru því danskir meistarar annað árið í röð en Orri Steinn Óskarsson kom auðvitað við sögu í fjórum leikjum með FCK fyrri hluta tímabilsins.
???????????????????????? ???????????? ????????????????????????#fcklive #sldk pic.twitter.com/RZ0VGb7XZ5
— F.C. København (@FCKobenhavn) May 29, 2023
Athugasemdir