Valgeir Valgeirsson er búinn að fá félagaskipti frá HK yfir til sænska félagsins Örebro.
Sænska félagið staðfestir það í dag að það hafi gengið frá kaupum á Valgeiri frá HK.
Sænska félagið staðfestir það í dag að það hafi gengið frá kaupum á Valgeiri frá HK.
„Við höfum fylgst með Valgeiri lengi og við sjáum fyrir okkur að hann geti náð mjög langt," segir Axel Kjäll, þjálfari Örebro. Valgeir er sjálfur spenntur og stefnir hann á það að hjálpa liðinu að komast aftur upp í deild þeirra bestu.
Valgeir er fjölhæfur leikmaður sem verður tvítugur í september. Valgeir er U21 landsliðsmaður sem er uppalinn hjá HK. Veturinn 2020-21 var hann á láni hjá enska félaginu Brentford þar sem hann spilaði með varaliði félagsins.
Örebro er sem stendur um miðja B-deildina í Svíþjóð.
Valgeir Valgeirsson (2002) has signed for Örebro in Sweden. He joins them from HK in Iceland. Congrats 📄✍🏼🇮🇸⭐️👌 pic.twitter.com/uL3dQdk1aV
— Magnus Agnar Magnusson (@totalfl) July 29, 2022
María Lena líka til Svíþjóðar
Samkvæmt upplýsingum Fótbolta.net þá fer María Lena Ásgeirsdóttir, kærasta Valgeirs, með honum til Svíþjóðar og mun hún ganga til liðs við lið Örebro sem er í neðri deildunum þar í landi.
María Lena er öflugur markaskorari sem hefur leikið með HK undanfarin ár. Hún var markahæsti leikmaður 2. deildar árið 2020 er hún gerði 17 mörk í 16 leikjum.
Athugasemdir