Enska landsliðskonan Millie Bright er nýr fyrirliði kvennaliðs Chelsea en þetta var opinberað í dag.
Hún tekur við fyrirliðabandinu af Magdalena Eriksson sem fór til Bayern München í sumar.
Bright hefur spilað 245 leiki með Chelsea og hefur unnið 15 titla með félaginu, þar á meðal ensku úrvalsdeildina sex sinnum.
Bright er tilnefnd til Ballon d'Or verðlauna eftir að hafa spilað afskaplega vel með Chelsea og enska landsliðinu upp á síðkastið. Hún er lykilmaður í vörn beggja liða.
„Það er gríðarlegur heiður að vera orðin fyrirliði," segir Bright. „Chelsea er heimili mitt og verður það alltaf."
Athugasemdir
