Fótbolti.net

„Rómantíkusinn í Arnari Gunnlaugssyni“

Agla María: Eigum fullt erindi í þetta lið

Þjálfari Fortuna: Því ætla ég ekki að svara

Nik: Ég hef heyrt að hann sé hræðilegur

Karólína kenndi stuðningsmönnum Inter íslenskan frasa

Guðlaugur Victor: Megum alls ekki halda að þetta verði auðvelt

Agla María: Höfum tækifæri til þess að skrifa söguna hjá Breiðabliki

Nik: Viljum góðan leik, góða mætingu og úrslit sem setja okkur í góða stöðu fyrir seinni leikinn

Davíð Smári: Hrós fyrir mig og félagið að Eiður vilji taka þátt í þessu verkefni

Vildi vinna áfram með Davíð - „Ekkert heillaði mig jafn mikið"

Sjáðu það helsta úr spænska: Þrenna Lewandowski bjargaði Barcelona

Sjáðu það helsta úr ítalska: Albert skoraði og De Gea með furðulega tilburði

Sverrir Ingi lærir af Rafa Benítez: Maður spilar ekki endalaust

Andri Lucas: Við erum að verða mjög gott lið

Alli Jói: Ég lít á þetta sem skref upp á við

Jói Berg var ekki sáttur með ákvörðun Arnars: Gríðarlega svekkjandi

Davíð Snorri: Kjarninn góður en þó öflugir leikmenn utan hópsins

Lárus Orri hæstánægður: Hann er ekkert að koma heim til þess að slaka á

Davíð Smári: Markmiðið var að vera í efstu deild

Arnar: Þarf lítið til svo allt fari til fjandans

þri 29. nóvember 2022 11:30

Sæbjörn Þór Þórbergsson Steinke

Óklárað verkefni frá 2014 - „Tvö lið í efstu deild sem höfðu samband"

,,Stefni ekki á að vera lengi með Grindavík í 1. deild''

Einar Karl lék með Grindavík seinni hluta tímabilsins 2014.

Mynd: Fótbolti.net - Hafliði Breiðfjörð

Lék í Garðabænum síðustu tvö tímabil.

Mynd: Fótbolti.net - Hafliði Breiðfjörð

Einar Karl Ingvarsson samdi fyrir helgi við Grindavík og er því mættur aftur í gult. Hann lék einnig með Grindavík seinni hluta tímabilsins 2014. Hann er uppalinn hjá FH og hefur einnig leikið með Fjölni, Val og Stjörnunni á sínum ferli. Síðustu tvö ár var hann hjá Stjörnunni en rifti samningi sínum eftir að tímabilinu lauk.

„Ég rifti samningi við Stjörnuna, þá varð ég laus og Grindavík hafði samband. Mér líst mjög vel á það, hef verið þarna áður, þeir eru með mikinn metnað fyrir næsta ár og ég ákvað bara að slá til," sagði Einar við Fótbolta.net.

„Í rauninni ekki, ég tók allt inn, melti þetta og skoðaði alla hluti. Þegar ég kom þarna 2014 þá fékk ég góða tilfinningu sem togaði í mig. Mér fannst þetta alls ekki erfið ákvörðun. Ég hef ekki verið nálægt því að fara í Grindavík síðan þá, ég hef heyrt af einhverjum fyrirspurnum en ekkert sem var nálægt því að gerast."

„Það er margt sem heillar, bæði metnaður frá stjórn og þjálfurum. Þeir ætla að leggja mikið í þetta og það er mikill hugur í þeim. Við viljum fara upp og halda liðinu uppi líka, koma Grindavík á þann stað sem liðið var."

„Það er alltaf spennandi að taka þátt í svona verkefni, áskorun fyrir mig að það sé sett ábyrgð á mann og vilji til að gera eitthvað fyrir liðið. 2014 vildi ég fara með liðinu upp, maður vildi snúa aftur og klára það verkefni."

Var eitthvað hik að fara í deild neðar eftir að hafa spilað í efstu deild svo gott sem allan ferilinn?

„Alls ekki og ég stefni ekki á að vera lengi með Grindavík í 1. deild."

Hjá Grindavík hittir Einar fyrir Guðjón Pétur Lýðsson. Þeir léku saman í nokkur ár hjá Val og náðu vel saman. Einar var spurður út í Guðjón í viðtalinu sem má sjá í heild sinni í spilaranum að ofan.

Voru fleiri lið sem höfðu samband? „Það voru tvö önnur lið í efstu deild sem höfðu samband." Var uppeldisfélagið, FH, annað þeirra? „Það voru engar samræður við FH. Kannski voru þeir bara að horfa eitthvert annað. Jú, ég bjóst við því að þeir myndu kannski heyra í mér en þeir gerðu það ekki."

Verður hann í bestu deildinni 2024? „Já, það er stefnan," sagði Einar að lokum.