Enska úrvalsdeildin er farin aftur af stað við mikinn fögnuð margra. Nánast öll úrslit vikunnar voru eftir bókinni en Garth Crooks, séfræðingur BBC, hefur valið úrvalslið vikunnar.
Markvörður: Jose Sa (Wolves) - Úlfarnir fengu stjörnuframmistöðu frá markverði sínum í sigrinum gegn Everton. Liðið tók öll stigin með sigurmarki í lokin, í fyrsta leiknum undir stjórn Julen Lopetegui.
Varnarmaður: Tim Ream (Fulham) - Þessi 35 ára bandaríski varnarmaður skoraði sitt fyrsta mark í ensku úrvalsdeildinni og hjálpaði sínu liði að sigra Crystal Palace.
Varnarmaður: Virgil van Dijk (Liverpool) - Hefur verið talsvert frá sínu besta en það eru vísbendingar um að hann sé kominn í sinn besta gír. Var frábær á Villa Park.
Miðjumaður: Bukayo Saka (Arsenal) - Arsenal heldur áfram á flugi og Saka var frábær í sigri gegn West Ham.
Miðjumaður: Ruben Neves (Wolves) - Úlfarnir þurfa að stóla á að Portúgalinn hjálpi liðinu að forðast fallsvæðið.
Miðjumaður: Martin Ödegaard (Arsenal) - Það er orðin rútína hjá Arsenal að vinna leiki og norski fyrirliðinn heldur áfram að spila stórkostlega á miðjunni.
Miðjumaður: Joelinton (Newcastle) - Var meðal markaskorara þegar Newcastle rúllaði yfir Leicester. Newcastle er komið með sex sigra í röð.
Sóknarmaður: Harry Kane (Tottenham) - Skoraði flott skallamark þegar Tottenham kom til baka gegn Brentford og náði stigi.
Sóknarmaður: Erling Haaland (Man City) - Skoraði tvö gegn Leeds og er nú kominn með 20 deildarmörk í 14 leikjum. Magnaður.
Sóknarmaður: Marcus Rashford (Man Utd) - Skoraði gæðamark þegar United vann Nottingham Forest á sannfærandi hátt.
Athugasemdir