Fallbaráttulið Bournemouth hefur kveikt á öllum mótorum á lokametrum janúargluggans. Félagið er staðráðið í að styrkja leikmannahópinn fyrir komandi átök.
Nýliðar ensku úrvalsdeildarinnar eru að krækja í vinstri bakvörðinn Matias Vina og sónartengiliðinn Hamed Traore á gluggadegi en þriðji leikmaðurinn er búinn að bætast við.
Sá heitir Ilya Zabarnyi og er miðvörður Dynamo Kiev og úkraínska landsliðsins.
Zabarnyi er ekki nema 20 ára gamall en hann á þó 22 leiki að baki fyrir A-landslið Úkraínu. Hann er fastamaður í byrjunarliði Dynamo Kiev og er talið að Bournemouth þurfi að greiða um 20 milljónir punda fyrir hann.
Zabarnyi flýgur til Englands á morgun til að gangast undir læknisskoðun samkvæmt tryggum heimildum Fabrizio Romano.
Athugasemdir