Everton hefur tilkynnt um ráðningu á stjóranum Sean Dyche. Hann tekur við starfinu af Frank Lampard og skrifar undir tveggja og hálfs árs samning.
Dyche og Marcelo Bielsa fóru í viðræður um starfið og var Bielsa fyrsti kostur, en viðræður við hann sigldu í strand.
Því var tekin ákvörðun um ráða Dyche sem var síðast stjóri Burnley.
Dyche bíður verðugt verkefni þar sem Everton er í bullandi fallbaráttu. Hann var síðast stjóri Burnley þar sem hann gerði heilt yfir mjög flotta hluti með lítið fjármagn.
Everton er í fallsæti með 15 stig eftir 20 umferðir af úrvalsdeildartímabilinu og á næst heimaleik við topplið Arsenal 4. febrúar.
Sjá einnig:
Dyche „hin fullkomna ráðning“ fyrir Everton
Athugasemdir