Möguleiki er á að bræðurnir Noah Frick og Yanick Frick verði báðir í iði Liechtenstein í leiknum gegn Íslandi í undankeppni HM annað kvöld.
Hinn 22 ára gamli Yanick spilar með Energie Cottbus í þýsku B-deildinni á meðan hinn 19 ára gamli Noah er á mála hjá Neuchâtel Xamax í B-deildinni í Sviss. Noah er framherji en Yanick er vængmaður.
Faðir þeirra Mario Frick, er markahæsti leikmaðurinn í sögu landsliðs Liechtenstein með sextán mörk, en hann spilaði lengi í Serie A á Ítalíu.
Hinn 22 ára gamli Yanick spilar með Energie Cottbus í þýsku B-deildinni á meðan hinn 19 ára gamli Noah er á mála hjá Neuchâtel Xamax í B-deildinni í Sviss. Noah er framherji en Yanick er vængmaður.
Faðir þeirra Mario Frick, er markahæsti leikmaðurinn í sögu landsliðs Liechtenstein með sextán mörk, en hann spilaði lengi í Serie A á Ítalíu.
Liechtenstein er með tæplega 40 þúsund íbúa en langflestir leikmenn liðsins spila í heimalandinu.
Markahæsti landsliðsmaðurinn í hópnum er fyrirliðinn Nicolas Hasler með fimm mörk en hann spilar með FC Thun í B-deildinni í Sviss.
Liechtenstein er í 181. sæti á heimslista FIFA en liðið tapaði 1-0 gegn Armeníu í síðustu viku og 5-0 gegn Norður-Makedóníu á sunnudag. Í báðum þessum leikjum spilaði liðið með fimm manna vörn . Liðið hefur bæði spilað 5-4-1 og 5-3-2.
Helgi Kolviðsson, fyrrum aðstoðarþjálfari Íslands, hætti sem þjálfari Liechtenstein í fyrra en undir hans stjórn spilaði liðið með fjögurra manna vörn.
Martin Stocklasa, fyrrum varnarmaður í liði Liechtenstein, er þjálfari í dag en hann var áður þjálfari U21 landsliðsins.
Athugasemdir