Viktor Bjarki Daðason spilaði sinn síðasta leik sem leikmaður Fram í bili en hann er á leið frá Fram til FC Kaupmannahafnar. Viktor er fæddur 2008 og á einmitt afmæli í dag þann 30. júní. Viktor mætti í viðtal eftir leik Víkings og Fram.
Lestu um leikinn: Víkingur R. 2 - 1 Fram
„Já auðvitað er erfitt að kveðja uppeldisklúbbinn en það er stærra verkefni sem bíður."
Viktor hefði viljað klárað tímabilið með Fram en segir að FCK hafi pressað á að fá hann strax.
„Það hefði verið gaman en það er ekki í kortunum, svo þetta var minn síðasti leikur fyrir Fram í bili. Þeir sögðu nei þannig ég er að fara út eftir smá."
„Gríðarlega spennandi tímar að koma og ég ætla að reyna standa mig eins vel og hægt er."
Viktor horfir upp til Íslendingana sem hafa gert það gott hjá FCK
„Ég geri það, það er stórt að sjá að það eru Íslendingar sem geta farið í gegn. Þeir passa vel upp á þá. Ég lít upp til þeirra og geri eins og þeir gera."
Viðtalið má sjá í heild sinni í spilaranum hér að ofan.
Athugasemdir