Keflvíkingurinn hefur verið frábær fyrir Breda í æfingaleikjum sumarsins.

Hann skoraði eina mark Breda með skalla í byrjun síðari hálfleiks í kvöld og hefur hann nú skorað í þremur leikjum undirbúningstímabilsins.

Breda á eftir að spila einn leik í viðbót áður en hollenska úrvalsdeildin fer af stað.

Hákon Arnar Haraldsson var þá á skotskónum í 3-1 sigri Lille á Celta Vigo.

Skagamaðurinn gerði mark sitt á 21. mínútu með skoti úr miðjum teignum. Hann fór af velli á 60. mínútu leiksins.

Lille er klárt í Meistaradeildarævintýri. Liðið mætir Lugano eða Fenerbahce í 3. umferð í forkeppninni í næstu viku.