Everton hefur verið í nokkrum meiðslavandræðum á tímabilinu en það hjálpaði mikið að endurheimta Jarrad Branthwaite í vörnina. Miðvörðurinn efnilegi spilaði sinn fyrsta leik á tímabilinu og gerði það vel.

Dwight McNeil, sem skoraði bæði mörk Everton í leiknum, var mjög ánægður með að fá Branthwaite aftur inn.

„Ég er mjög náinn Jazza og ég veit að hann var pirraður í meiðslunum," sagði McNeil eftir leikinn.

„Þetta tók lengri tíma en hann bjóst við, en hann er ungur og risastór partur af okkar hópi. Hann veit það. Hann á stóra framtíð fyrir höndum."

Branthwaite var sterklega orðaður við Manchester United í sumar en Everton ákvað að halda í hann þrátt fyrir nokkuð stór tilboð.