Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fös 31. mars 2023 21:33
Elvar Geir Magnússon
Blikar byrja Bestu deildina án tveggja lykilmanna
Kristinn Steindórsson verður mögulega frá í tvo mánuði.
Kristinn Steindórsson verður mögulega frá í tvo mánuði.
Mynd: Fótbolti.net - Hafliði Breiðfjörð
Það ætti ekki að hafa farið framhjá nokkrum manni að Besta deildin er handan við hornið en fyrsta umferðin verður leikin á öðrum degi páska.

Óskar Hrafn Þorvaldsson, þjálfari Íslandsmeistara Breiðabliks, mætti í upphitunarþátt Innkastsins og sagði þar meðal annars frá því að tveir leikmenn liðsins séu á meiðslalistanum.

Greint hefur verið frá því að bakvörðurinn Davíð Ingvarsson fór í aðgerð á ökkla.

„Hann hefur verið meiddur meira og minna síðan í lok síðasta tímabils. Hann fór í aðgerð í byrjun mars og verður væntanlega ekki klár fyrr en í lok apríl," segir Óskar.

Sóknarleikmaðurinn reynslumikli Kristinn Steindórsson er einnig á meiðslalistanum og missir af fyrsta hluta Íslandsmótsins.

„Kristinn Steindórs verður frá í mögulega tvo mánuði með beinmar á hné. Aðrir eru í fínu standi, það eru bara þessir tveir... tveir lykilmenn," segir Óskar Hrafn.
Upphitun Innkastsins - Óskar Hrafn Þorvaldsson
Athugasemdir
banner
banner
banner
banner
banner