Þýskaland: Ótrúlegar lokamínútur í Stuttgart

Deniz Undav skoraði jöfnunarmarkið seint í uppbótartíma

Mynd: EPA

Deniz Undav skoraði jöfnunarmarkið seint í uppbótartíma

Mynd: EPA

Stuttgart og nýliðar Heidenheim gerðu ótrúlegt 3-3 jafntefli í 27. umferð þýsku deildarinnar í dag.

Stuttgart hefur verið eitt besta lið deildarinnar á þessu tímabili á meðan Heidenheim er á þægilegum stað um miðja deild.

Heimamenn náðu tveggja marka forystu í leiknum. Gíneumaðurinn Serhou Guirassy skoraði 23. deildarmark sitt á tímabilinu áður en Angelo Stiller tvöfaldaði forystuna snemma í síðari hálfleik.

Níu mínútum síðar skoraði Alexander Nübel, markvörður Stuttgart, sjálfsmark. Hann greip boltann eftir hornspyrnu en missti hann síðan undir sig og í netið. Neyðarlegt atvik, sem gaf Heidenheim von.

Á lokamínútum leiksins skoraði Tim Kleindienst tvö mörk á einni mínútu og kom Heidenheim í óvænta forystu. Deniz Undav, framherji Stuttgart, náði að bjarga andliti fyrir Stuttgart með marki undir lokin en það kom á sjöundu mínútu í uppbótartíma. Stuttu áður fékk Nikola Dovedan að líta rauða spjaldið.

Jafntefli því niðurstaðan. Stuttgart er áfram í 3. sæti með 57 stig en Heidenheim í 11. sæti með 30 stig.

Úrslit og markaskorarar:

Bochum 2 - 2 Darmstadt
1-0 Philipp Hofmann ('29 )
2-0 Philipp Hofmann ('48 )
2-1 Tim Skarke ('62 )
2-2 Oscar Vilhelmsson ('76 )

Augsburg 1 - 1 Koln
1-0 Arne Maier ('18 )
1-1 Davie Selke ('33 )

Stuttgart 3 - 3 Heidenheim
1-0 Sehrou Guirassy ('41 )
2-0 Angelo Stiller ('53 )
2-1 Alexander Nubel ('62 , sjálfsmark)
2-2 Tim Kleindienst ('84 )
2-3 Tim Kleindienst ('85 )
3-3 Deniz Undav ('90 )
Rautt spjald: Nikola Dovedan, Heidenheim ('90)

Stöðutafla

#	Lið	L	mun	Stig
1	Dortmund	4	+7	12
2	Bayern	4	+12	10
3	Freiburg	4	+9	10
4	Augsburg	4	+5	7
5	Leverkusen	4	+5	7
6	Mainz	4	+4	7
7	Elversberg	4	+1	7
8	Werder	4	0	7
9	RB Leipzig	4	+4	6
10	Frankfurt	4	-1	5
11	Schalke 04	4	-1	5
12	Paderborn	4	-2	4
13	Köln	4	-3	4
14	Hoffenheim	4	-3	3
15	Stuttgart	4	-3	3
16	Hamburger	4	-11	3
17	Union Berlin	4	-13	1
18	Gladbach	4	-10	0