Fótbolti.net

Brynjar Björn: Öll liðin eiga möguleika á umspilssæti

Andri Lucas: Þeir sýndu aðeins meiri lit

Kristian Hlyns: Erfitt að fá byrjunarliðssæti í þessu liði

Hákon Arnar: Geggjaður gæi og geggjaður leikmaður

Ísak Bergmann: Svo auðvelt að spila með Alberti

Jói Berg: Frábært afrek fyrir mig og mína fjölskyldu

Albert: Galið hvað ég var með stórt útisvæði til að halda partí

„Rómantíkusinn í Arnari Gunnlaugssyni“

Agla María: Eigum fullt erindi í þetta lið

Þjálfari Fortuna: Því ætla ég ekki að svara

Nik: Ég hef heyrt að hann sé hræðilegur

Karólína kenndi stuðningsmönnum Inter íslenskan frasa

Guðlaugur Victor: Megum alls ekki halda að þetta verði auðvelt

Agla María: Höfum tækifæri til þess að skrifa söguna hjá Breiðabliki

Nik: Viljum góðan leik, góða mætingu og úrslit sem setja okkur í góða stöðu fyrir seinni leikinn

Davíð Smári: Hrós fyrir mig og félagið að Eiður vilji taka þátt í þessu verkefni

Vildi vinna áfram með Davíð - „Ekkert heillaði mig jafn mikið"

Sjáðu það helsta úr spænska: Þrenna Lewandowski bjargaði Barcelona

Sjáðu það helsta úr ítalska: Albert skoraði og De Gea með furðulega tilburði

Sverrir Ingi lærir af Rafa Benítez: Maður spilar ekki endalaust

mið 31. júlí 2024 21:10

Guðmundur Aðalsteinn Ásgeirsson
Hlíðarenda

Nik svekktur: Þannig er bara best fyrir mig að lýsa því

Nik Chamberlain, þjálfari Breiðabliks.

Mynd: Jónína Guðbjörg Guðbjartsdóttir

Katie Cousins fagnar marki sínu í kvöld.

Mynd: Fótbolti.net - Hafliði Breiðfjörð

„Ég er svekktur með frammistöðuna, sérstaklega í fyrri hálfleiknum," sagði Nik Chamberlain, þjálfari Breiðabliks, eftir 1-0 tap gegn Val í stórleik í Bestu deild kvenna í kvöld.

„Valur bara yfir gegn okkur og við náðum ekki að komast inn í leikinn fyrr en í seinni hálfleiknum þar sem við áttum okkar augnablik. Heilt yfir áttum við ekkert skilið í dag."

Lestu um leikinn: Valur 1 - 0 Breiðablik

„Við tókum bara rangar ákvarðanir. Við vildum nýta okkur svæði en hreyfðum boltann ekki nægilega hratt. Við náðum ekki að færa okkur upp völlinn út af því. Ég held að við höfum þrisvar sinnum komist inn á þeirra vallarhelming í fyrri hálfleiknum. Við áttum augnablik en gerðum ekki nóg. Ákvarðanatökurnar voru ekki nægilega góðar."

„Við fengum færi í seinni hálfleik en við töpuðum leiknum í fyrri hálfleiknum."

Katie Cousins var besti leikmaður vallarins en Nik þekkir hana vel eftir að hafa þjálfað hana í Þrótti í tvö ár áður en hann tók við Breiðabliki. Hún valdi að breyta til og ganga til liðs við Íslandsmeistara Vals fyrir þetta tímabil og hefur verið mjög góð þar.

„Þetta var bara dagur þar sem Katie var bara Katie. Þannig er best fyrir mig að lýsa því. Ég þjálfaði hana í tvö ár og stundum tekur hún yfir svona leiki. Hún og Berglind létu þær tikka. Þær stjórnuðu 90 prósent af leiknum. Þær gerðu hlutina betur en við."

Valskonur náðu toppsætinu með þessum sigri. Blikar eru núna þremur stigum á eftir þeim.

„Þetta er ekkert öðruvísi en þegar við unnum þær fyrr á tímabilinu og við komumst þremur stigum á undan. Við eigum enn átta leiki eftir og eigum eftir að spila við þær tvisvar. Titillinn tapaðist ekki í dag. Ef við vinnum alla leikina, þá vinnum við deildina... vonandi verðum við mun betri þegar við hittum þær næst," sagði Nik.

Allt viðtalið má sjá í spilaranum hér að ofan.