Mikael glaður á landsliðsæfingu.
Það er búið að loka félagaskiptaglugganum í Danmörku; hann lokaði klukkan tíu að íslenskum tíma.
Hvort að Mikael Neville Anderson verði leikmaður Midtjylland áfram er þó ekki öruggt.
Samkvæmt fjölmiðlum í Danmörku þá sendi AGF tilboð upp á 15 milljónir danskra króna, eða rúmar 300 milljónir íslenskra króna, í Mikael rétt áður en glugginn lokaði.
Fjölmiðlamaðurinn Klaus Egelund sagði á Twitter að félögin tvö - Midtjylland og AGF - hefðu komist að samkomulagi og taka aðrir undir með honum.
Það kemur væntanlega í ljós á næstu mínútum eða klukkutímum hvort öll gögn hafi komist á réttan stað fyrir tilsettan tíma.
Mikael vill ólmur fara frá Midtjylland, alla vega miðað við það sem hann setti á samfélagsmiðla í dag. Ef hann fer til AGF, þá verða hann og Jón Dagur Þorsteinsson liðsfélagar.
AGF og FC Midtjylland er enige om en transfer af Mikael Anderson. Prisen er 15 millioner kroner.
— Farzam Abolhosseini (@F_Abolhosseini) August 31, 2021
Athugasemdir
