Stefán Teitur Þórðarson er meðal þriggja leikmanna Silkeborg sem fengu jákvætt úr Covid-19 prófi í dag.
Covid er að herja á leikmannahóp Silkeborg og eru núna níu leikmenn og starfsmenn félagsins frá vegna veirunnar, sjö þeirra eru leikmenn.
Í dag var greint frá því að auk Stefán Teits er Kasper Jensen með Covid og varamarkvörðurinn Stan van Bladeren.
Silkeborg á leik gegn Vendsyssel á sunnudaginn og þarf að tefla fram vængbrotnu liði vegna smitanna.
Stefán Teitur er 22 ára gamall og hefur komið inn af bekknum í tveimur af þremur leikjum Silkeborg frá komu sinni til félagsins. Silkeborg leikur í dönsku B-deildinni og er í fimmta sæti þar, aðeins tveimur stigum frá öðru sæti og með leik til góða.
Danirnir hafa verið að vinna svolítið eftir þessu formi. Þeir skima reglulega og ef það kemur smit eru allir leikmenn skimaðir 2 svar á 5 dögum og settir í sóttkví þar til seinna test er komið. Reynist það neikvætt fá þeir að æfa og spila.
— Orri Rafn Sigurdarson (@OrriRafn) October 31, 2020
Athugasemdir
