Það var áhugaverð helgi í ensku úrvalsdeildinni. Liverpool tapaði óvænt fyrir Leeds á Anfield, eitt mark Manchester United og Manchester City dugði liðunum til sigurs og Arsenal slátraði Nottingham Forest. Garth Crooks sérfræðingur BBC hefur valið lið umferðarinnar.
Markvörður: Ederson (Manchester City) - Markvarsla hans frá Tielemans var algjörlega frábær.
Varnarmaður: Diogo Dalot (Manchester United) - Varðist gríðarlega vel í sigrinum gegn West Ham.
Varnarmaður: Ben Mee (Brentford) - Skoraði í 1-1 jafntefli gegn Wolves.
Varnarmaður: Aymeric Laporte (Manchester City) - Átti stóran þátt í því að City hélt hreinu gegn Leicester.
Miðjumaður: Crysencio Summerville (Leeds) - Fagnaði 21 árs afmæli sínu með því að skora sigurmarkið gegn Liverpool.
Miðjumaður: Thomas Partey (Arsenal) - Hefur verið frábær á þessu tímabili og skoraði eitt af mörkum Arsenal.
Miðjumaður: Martin Ödegaard (Arsenal) - Skoraði og var út um allan völl í sigrinum gegn Forest.
Miðjumaður: Kevin de Bruyne (Manchester City) - Skoraði stórglæsilegt sigurmark gegn Leicester, skeytin inn.
Sóknarmaður: Marcus Rashford (Manchester United) - Skoraði sigurmarkið gegn West Ham. Fer hann með enska landsliðinu til Katar?
Sóknarmaður: Callum Wilson (Newcastle) - Er á skotskónum og tók þátt í að pakka saman Aston Villa.
Sóknarmaður: Leandro Trossard (Brighton) - Aðalstjarnan þegar Brighton fór illa með Graham Potter og nýja lærisveina hans í Chelsea. Hversu lengi getur Brighton haldið Belganum?
Athugasemdir
