Úr leik hjá KFR.
,,Þetta er bara frábært. Við erum mjög ánægðir með þetta," sagði Þórhallur Lárusson leikmaður KFR ánægður eftir 2-2 jafntefli gegn KB í kvöld en þau úrslit tryggðu liðinu sæti í annarri deildinni að ári.
Lestu um leikinn: KB 2 - 2 KFR
Stuðningsmenn KFR fjölmenntu í Breiðholtið í kvöld og fögnuðu vel og innilega í leikslok.
,,Það kom hálfur Hvolsvöllur á leikinn nánast. Þetta er glæsilegt og ég er ánægður með stuðningsmennina."
KFR mun núna leika í annarri deild í fyrsta skipti á næsta ári og Þórhallur býst við að liðið muni sækja liðsstyrk.
,,Ef við styrkjum liðið rétt og fáum réttu leikmennina þá ættum við allavega að geta haldið okkur uppi. Við erum með góð tengsli við Pólverjana, við fáum líklega einhverja þaðan. Það kemur í ljós."
Hér að ofan má sjá viðtalið í heild sinni.
