Sóknarmaðurinn Björn Bergmann Sigurðarson er að jafna sig eftir aðgerð sem hann fór í á síðasta ári. Hann æfir með íslenska landsliðinu en hefur ekki náð að beita sér að fullu.
„Ég hef verið í vandræðum með ökklann á síðustu tveimur æfingum og er ekki alveg kominn með styrkinn eins og ég vil hafa hann. Þetta kemur á næstu vikum."
„Mér líst mjög vel á hann. Þetta er toppnáungi og gaur sem ég fíla að vinna með," segir Björn um þjálfarann Lars Lagerback.
Björn er hjá Lilleström í Noregi og líður vel hjá félaginu. Hann hefur þó verið orðaður við önnur félög og segir að sín mál skýrist á næstu vikum. Hann reiknar þó með að verða áfram hjá Lilleström.
Viðtalið við hann má sjá í heild í sjónvarpinu hér að ofan.
