,,Ég er fyrst og fremst ótrúlega ánægður með sigurinn, vinnuframlag strákanna var til fyrirmyndar. Ég er ótrúlega sáttur með það," sagði Páll Einarsson þjálfari Þróttar eftir 1-0 sigur á ÍR í 1. deildinni í kvöld.
Lestu um leikinn: Þróttur R. 1 - 0 ÍR
,,Völlurinn var háll og kannski erfitt að eiga við boltann en mér fannst við spila mjög vel á köflum og ég var mjög ánægður með það. Menn voru að berjast og vinna og reyndu að spila sem gekk mjög vel á köflum. Ég er mjög ánægður með spilamennskuna í dag," sagði Páll.
Þróttarar fengu fínustu færi í leiknum til að skora fleiri mörk en gekk ekki.
,,Það er þetta að koma boltanum yfir línuna, það er þetta stóra vandamál. Auðvitað fengum við einhver færi en við skoruðum eitt og fengum ekkert á okkur og það dugði í dag."
Ólafsvíkingar sem eru í 2. sæti töpuðu stigum með því að gera 1-1 jafntefli við Leikni í kvöld og því færðust Þróttarar nær þeim í töflunni og fimm stig skilja þau núna á milli.
,,Auðvitað er alltaf smá von fyrir hendi, það er alveg ljóst en það er lítið eftir af mótinu og við svolítið á eftir. Auðvitað þurfum við bara að hugsa um okkur og klára okkar og sjá hvar við verðum í lokin."
Nánar er rætt við Pál í sjónvarpinu að ofan.
