Hólmar Örn Eyjólfsson bætti í gær leikjamet U21 árs landsliðs karla þegar hann lék með liðinu í 5-0 tapi gegn Belgum í undankeppni EM.
Þetta var 27. leikur Hólmars með U21 árs landsliðinu en hann hefur verið fastamaður í liðinu undanfarin ár.
Þetta var 27. leikur Hólmars með U21 árs landsliðinu en hann hefur verið fastamaður í liðinu undanfarin ár.
Hólmar lék sinn fyrsta leik með U21 árs landsliðinu í vináttuleik gegn Þjóðverum árið 2007.
Síðan þá hefur hann farið í gegnum þrjár undankeppnir með liðinu og tekið þátt í úrslitakeppni EM í fyrra.
Hólmar bætti í gær met Bjarna Þórs Viðarssonar sem lék 26 leiki og setti met á EM í Danmörku í fyrra.
Þetta var síðasti leikur Hólmars með U21 árs landsliðinu en hann er fæddur árið 1990 og verður því ekki gjaldgengur í næstu undankeppni þar sem elstu leikmenn mega vera fæddir árið 1992.
Athugasemdir
