Tveir í formi. Bradley Simmonds og Yngvi Borgþórsson í ferð með ÍBV árið 2013.
Theo Walcott hefur verið í banastuði með Arsenal í byrjun tímabils á Englandi. Walcott skoraði í 3-0 sigrinum gegn Chelsea um helgina og í gær skoraði hann bæði mörkin í 2-0 sigri á Basel.
Í grein The Guardian í dag kemur fram að Walcott hafi æft gríðarlega mikið aukalega í sumar undir stjórn einkaþjálfarans Bradley Simmonds.
Samkvæmt frétt The Guardian er Walcott í talsvert betra formi en oft áður eftir æfingarnar með Simmonds.
Simmonds spilaði með ÍBV í Pepsi-deildinni árið 2013, þá 19 ára gamall.
Hann skoraði tvö mörk í ellefu leikjum en ákvað eftir tímabilið að hætta í fótbolta og fara út í einkaþjálfun.
Á stuttum tíma hefur hinn 22 ára gamli Simmonds getið sér gott orð sem einkaþjálfari hjá stjörnum á Englandi. Auk Walcott er hann einkaþjálfari John Terry, Brendan Rodgers og Jamie Redknapp.
Hér að neðan má sjá myndband af Walcott á æfingu hjá Simmonds í sumar.
Nice little mention but it's seriously all down to Theo. His attitude has been brilliant. https://t.co/d0IHDogtUD
— Bradley Simmonds (@Bradley_Simmo) September 29, 2016
Athugasemdir
