mán 10. júní 2019 08:30
Guðmundur Aðalsteinn Ásgeirsson
Liverpool að ræða við Pepe?
Nicolas Pepe.
Nicolas Pepe.
Mynd: Getty Images
Nicolas Pepe, 24 ára gamall vængmaður sem er á mála hjá Lille í Frakklandi, er í viðræðum við Liverpool. Þetta segir Mohamed Bouhafsi, blaðamaður RMC Sport í Frakklandi.

Pepe hefur verið orðaður við mörg af stærstu félögum Evrópu. Bayern München er meðal annars talið hafa mikinn áhuga á honum.

Hann skoraði 22 mörk og átti 11 stoðsendingar á nýliðnu tímabili er Lille hafnaði í öðru sæti í frönsku deildinni.

„Lille er að ræða við Liverpool og Lille hefur staðfest þetta. Leikmaðurinn er að ræða við Liverpool. Liverpool er ekki eina félagið á eftir honum. Nú bíðum við eftir hans ákvörðun," sagði Bouhafsi þegar hann svaraði stuðningsmanni Liverpool á Twitter. Bouhafsi þykir nokkuð áreiðanlegur þegar kemur að félagaskiptamarkaðnum.

Liverpool Echo segir hins vegar að Liverpool hafi hvorki rætt við Lille eða Pepe.



Athugasemdir
banner
banner
banner