Sædís Rún er komin í 8-liða úrslit
Íslenska landsliðskonan Sædís Rún Heiðarsdóttir lagði upp mark í 5-0 sigri Vålerenga á Lyn í 16-liða úrslitum norska bikarsins í dag.
Sædís er mikilvæg í liði Vålerenga eins og hún hefur sýnt síðasta eina og hálfa árið.
Hún varð deildar- og bikarmeistari með liðinu á síðustu leiktíð og þá er liðið á réttri lið með því að fara í enn einn bikarúrslitaleikinn.
Landsliðskonan lagði upp þriðja mark Vålerenga í 5-0 sigrinum á Lyn í dag og er nú komin í 8-liða úrslit.
Daníela Dögg Guðnadóttir byrjaði hjá Álasundi sem tapaði fyrir Hönefoss, 3-2.
8-liða úrslitin eru spiluð um miðjan júní, undanúrslitin í september og fer úrslitaleikurinn síðan fram í lok nóvember.
Athugasemdir
