Trent Alexander-Arnold.
Andy Robertson og Trent Alexander-Arnold hafa núna í fjöldamörg ár farið upp kantana hjá Liverpool. Þeir eru miklir vinir en á næsta tímabili verða þeir ekki liðsfélagar.
Alexander-Arnold hefur ákveðið að yfirgefa Liverpool þegar samningur hans rennur út í sumar og halda til Real Madrid.
Alexander-Arnold hefur ákveðið að yfirgefa Liverpool þegar samningur hans rennur út í sumar og halda til Real Madrid.
Robertson skrifaði í dag langa færslu á Instagram þar sem hann þakkar Alexander-Arnold fyrir samvinnuna síðustu árin.
„Bróðir minn, hvar á ég eiginlega að byrja?" skrifar Robertson.
„Það hafa verið algjör forréttindi að fá að sjá þig vaxa úr dreng í mann á síðustu átta árum. Þú hefur unnið allt og skapað frábærar minningar á leiðinni. Ég vil þakka þér fyrir ýta mér alltaf áfram og setja rána það hátt að það var enginn annar möguleiki fyrir mig en að elta."
„Við eigum eftir að sakna þín á æfingasvæðinu og sérstaklega inn á vellinum. Ég vona að öll sú vinna sem þú hefur lagt í félagið og öll augnablikin sem þú hefur gefið okkur séu metin að verðleikum."
„Vængmenn í eitt síðasta skipti," skrifar Robertson en þeir eiga eftir að spila einn leik saman í lokaumferð ensku úrvalsdeildarinnar um næstu helgi.
Athugasemdir
