Malen, Maguire, Rashford, Greenwood, Yoro, Eriksen og fleiri góðir í slúðri dagsins
Segir íslenska liðið betra en það ísraelska - Þakkar Mikael fyrir sitt framlag
Alfreð um ummæli Hareide: Kem alltaf með sama markmið í landsliðið
Númi: Það er ein helsta ástæðan fyrir því að ég fór í Bestu
Siggi Höskulds um Gylfa: Þetta mun sprengja deildina
Blikar tóku ekki þátt í kapphlaupinu um Gylfa - „Tökum honum fagnandi"
Vildi finna hamingjuna aftur - „Ótrúlega erfitt andlega"
„Hugsaði allan tímann um hversu geggjað það væri að gera þetta með Fram"
Ein sú besta frá því í fyrra samdi í Víkinni - „Mikill meðbyr í kringum félagið"
Axel Óskar: KR langskemmtilegasti og mest spennandi kosturinn
Varð strax forvitinn um Breiðablik - „Fótboltinn hérna er sterkari"
Markakóngurinn mættur í Kópavog - „Búinn að segja mér marga góða hluti"
Birkir aftur heim í Þorpið - „Búið að vera í hausnum á manni lengi"
Á leið í fimmta tímabilið á Íslandi - „Ánægður að þeir völdu mig"
Sjáðu þrumuræðu Þorvalds Örlygssonar sem tryggði honum formannsembættið
Ingibjörg: Hafði alltaf trú
Telma: Vissi að við kæmum brjálaðar til baka
Sveindís: Lofaði að bæta upp fyrir það og fannst ég gera það
Glódís: Við sem leikmenn, þjóðin og KSÍ þurfum öll að stíga upp
„Búin að fá einhverja Twitter-kalla á sig en gerir okkur að sterkara liði"
Steini: Allt í lagi á meðan maður fær ekki slag
   fös 01. júlí 2022 22:16
Haraldur Örn Haraldsson
Magnús Már: Ekki búið fyrr en feita konan syngur
Lengjudeildin
Mynd: Fótbolti.net - Hafliði Breiðfjörð

Magnús Már Einarsson þjálfari Aftureldingar hafði blendnar tilfinningar eftir að liðið hans gerði 2-2 jafntefli við Fylki í kvöld. Afturelding jafnaði leikinn á 92. mínútu en Magnúsi fannst sitt lið jafnvel eiga sigurinn skilið.


Lestu um leikinn: Fylkir 2 -  2 Afturelding

„Sáttur að fá stigið úr því sem komið var, við vorum náttúrulega búnir að grafa okkur ofan í smá holu með því að vera 2-0 undir í hálfleik og áttum það ekki skilið fannst mér. Mér fannst óþarfi að fá þessi 2 mörk á okkur og svo vorum við klárlega búnir að fá færi til þess að skora í þessum fyrri hálfleik þannig við vorum búnir að grafa svona full djúpa holu í hálfleik en við vorum staðráðnir í því að við værum ekki að fara tapa þessum fótboltaleik. Við komum flottir inn í seinni hálfleikinn og héldum áfram að spila vel eins og við gerðum í fyrri og uppskárum samkvæmt því. Uppskárum það sem við áttum skilið fannst mér og mér finnst þetta stig fyllilega skilið miðað við spilamennsku svo var ég ánægður með karakterinn hjá strákunum og þetta er aldrei búið fyrr en feita konan syngur."

Afturelding fékk 2 mörk á sig í fyrri hálfleik sem hefði léttilega verið hægt að koma í veg fyrir og slíkur klaufagangur gæti verið áhyggjuefni.

„Nei. Fyrsta markið kemur bara einfaldlega útaf því að við erum að spila út frá marki sem við höfum gert í sumar. Við höfum skorað mörk eftir að hafa spilað upp allan völlinn þannig að það er eitthvað sem ég legg upp með og er okkar leikstíll en það getur komið fyrir að það klikki og við fáum mark í andlitið en sem betur fer er það í færri skipti heldur en þegar við náum að spila út úr því og uppskera. Það er bara eitthvað sem ég tek á mig og fylgir leikstílnum hjá okkur að þetta gerist."

Eftir 7 leiki hafði Afturelding aðeins skorað 6 mörk í deildinni en nú 2 leikjum seinna hefur talan tvöfaldast og er komin upp í 12. Þetta hlýtur að vera merki um að þetta sé að lagast.

„Já já, þetta er allt að koma og ég held að miðað við færin sem við sköpuðum í dag hefðum við auðveldlega getað skorað fleiri mörk. Þannig já þetta er allt að koma hjá okkur og ég er alveg sannfærður um það að við munum skora fleiri mörk í næstu leikjum og að þetta sé allt saman á uppleið hjá okkur."

Leikmannamarkaðurinn opnaðist í dag og Afturelding ætlar að skoða nýja leikmenn.

„Já við gerum eitthvað og bætum við góðan hóp hjá okkur. Já ég hugsa að við munum bæta eitthvað við."

Viðtalið má sjá í heild sinni í spilaranum hér fyrir ofan þar sem Magnús talar meira um Sigga Bond og nýan spænskan framherja.


Athugasemdir
banner
banner
banner
banner
banner