FH hefur sent frá sér yfirlýsingu vegna fréttaflutnings í gær þar sem kom fram að leikmaður sem hefur verið í byrjunarliði FH í sumar væri meintur nauðgari.
Hulda Hrund Sigmundsdóttir, stjórnarmeðlimur í aðgerðarhópnum Öfgar, setti fram tíst um málið og var fréttin byggð á því.
„Við getum þó gefið Klöru það að hún sagði satt og rétt frá að hópnauðgunarferlið gekk ekki betur en það að meintur gerandinn er enn í byrjunarliði FH og þjálfar yngri flokka," skrifaði Hulda á Twitter.
Hægt er að sjá yfirlýsingu FH um málið hér að neðan.
Yfirlýsing FH
Aðalstjórn FH er mjög meðvituð um umræðuna um ofbeldis- og kynferðisbrot innan knattspyrnunnar, tekur hana alvarlega og fordæmir hvers kyns ofbeldishegðun. Fulltrúar félagsins hafa hitt ráðgjafa og fulltrúa ÍSÍ, Kolbrúnu Hrund Sigurgeirsdóttur, vegna viðbragða í þessum erfiðu málum og mun sú vinna halda áfram og hafa forgang í starfi félagsins.
f.h. Fimleikafélags Hafnarfjarðar
Viðar Halldórsson
formaður aðalstjórnar
Athugasemdir