Besta deildin: Bragðdauft í fallbaráttuslag

Vestri fékk Fylki í heimsókn í miklum fallbaráttuslag í Bestu deildinni í dag.

Fyrri hálfleikurinn var ansi bragðdaufur en hvorugu liðinu tókst að ógna marki andstæðinganna að neinu viti. Vestri fékk mörg tækifæri til að skapa sér eitthvað úr hornspyrnum en Fylkismenn vörðust vel.

Mikið af því sama var upp á teningnum í seinni hálfleik og niðurstaðan markalaust jafntefli.

Vestri er nú tveimur stigum frá fallsæti fyrir lokaumferðina fyrir tvískiptinguna en Fylkir er áfram í fallsæti.