Marcos Alonso, leikmaður Chelsea, var fyrstur að átta sig eftir að áhorfendur kölluðu til hans og létu vita af neyðaratviki.

Einn áhorfandinn hneig niður og fékk hjartastopp samkvæmt ensku miðlunum, en bráðaliðar mættu á staðinn innan við mínútu síðar.

Leikurinn var í kjölfarið stöðvaður og fóru leikmenn beggja liða inn í búningsklefa. Liðin eru þó komin aftur á völlinn og hituðu leikmenn upp áður en hann dómarinn flautaði leikinn aftur á.

Watford greindi frá því á Twitter að ástand stuðningsmannsins sé stöðugt og er hann nú á leið á spítala. Félagið staðfestir að hann hafi farið í hjartastopp.