Romero verður lengi frá

Varnarmaðurinn Cristian Romero hjá Tottenham mun ekki spila meira á þessu ári en Antonio Conte opinberaði þetta á fréttamannafundi í dag.

„Þetta eru ekki jákvæðar fréttir. Meiðslin eru alvarleg og það verður einhver tími þar til við sjáum hann aftur á vellinum. Það er ljóst að hann spilar ekki meira á þessu ári," segir Conte.

„Við þurfum að fylgjast með þróuninni viku frá viku en meiðslin eru alvarleg. Hann þarf tíma til að jafna sig. Það er svekkjandi því hann er mikilvægur leikmaður yfir okkur. Hvort hann snúi aftur í janúar eða febrúar veit ég ekki en hann spilar ekki meira á árinu 2021."

Romero meiddist í landsliðsverkefni með Argentínu eins og Giovani Lo Celso. Staðan á Lo Celso er mun betri en hann ætti að snúa aftur til æfinga á fimmtudag.

Tottenham mætir Brentford í ensku úrvalsdeildinni annað kvöld.