Starfsfólkið í jólapeysunum í fyrrakvöld.
Frá æfingu liðsins í gær.
„Það var smá jólastemmning hjá okkur starfsmönnum í gær," sagði Þorsteinn Halldórsson landsliðsþjálfari Íslands við Fótbolta.net fyrir æfingu liðsins í Cardiff í Wales í gær.
Ísland mætir Wales í Þjóðadeild Evrópu á Cardiff City leikvangnum annað kvöld en liðið hefur verið þar við æfingar alla vikuna.
Ísland mætir Wales í Þjóðadeild Evrópu á Cardiff City leikvangnum annað kvöld en liðið hefur verið þar við æfingar alla vikuna.
„Það voru litlu jólin hjá okkur í gærkvöldi, svona pakka litlu jól," hélt Steini áfram.
Á meðfylgjandi mynd má sjá sjá starfsfólkið sem fylgir liðinu hér í Cardiff öll í jólapeysum, en aðspurður hvort hann hafi komið með eigin peysu að heiman sagði hann að Ólafur Pétursson markmannsþjálfari hafi bjargað sér.
„Óli á 14 jólapeysur svo hann lánaði mér eina. Það var svo leynivinaleikur hjá okkur og smá gleði inni í sal. Það fengu allir starfsmenn pakka. Ég fékk jólapeysu eðlilega en það var ýmist annað skemmtilegt."
Leikurinn hefst klukkan 19:15 annað kvöld og verður í beinni textalýsingu á Fótbolta.net og sýndur beint á RÚV.
Athugasemdir
