Fótbolti.net

fös 02. febrúar 2024 16:16

Guðmundur Aðalsteinn Ásgeirsson

Stefán Pálsson spáir í 23. umferð ensku úrvalsdeildarinnar

Stefán Pálsson.

Mynd: Úr einkasafni

Moyes snýr aftur á Old Trafford.

Mynd: EPA

Rúnar Þór Sigurgeirsson var með sex rétta þegar hann spáði í leikina sem voru í miðri viku í ensku úrvalsdeildinni. Sagnfræðingurinn Stefán Pálsson tók að sér það verkefni að spá í leikina sem eru núna um helgina.

Stefán er stuðningsmaður Luton sem hafa unnið hug og hjörtu aðdáenda deildarinnar með frammistöðu sinni á tímabilinu. Hann hefur auðvitað trú á því að sínir menn muni áfram gera flotta hluti.

23.05.2023 13:43

Enski boltinn - Stefán Páls fer yfir ævintýri Luton Town

Everton 2 - 4 Tottenham (12:30 á morgun)
Tottenham mun af tómum fantaskap kveikja vonarneista í hjörtum Evertonmanna með því að hleypa þeim í 2-0 til þess eins að slökkva í þeim í seinni hálfleik með fjórum mörkum. Heimamenn munu kenna VAR og umheiminum um ófarir sínar.

Brighton 2 - 2 Crystal Palace (15:00 á morgun)
Enginn veit almennilega hvers vegna þessi tvö lið eru erkifjendur en það er alltaf mikil stemning á þessari viðureign. Markasúpa í lokin og einhver rauð spjöld.

Burnley 0 - 0 Fulham (15:00 á morgun)
Maraþonleikur sem tekur næstum 120 mínútur að klára. Fimm mörk tekin af í VAR. Kompany froðufellir í viðtali eftir leik.

Newcastle 1 - 2 Luton (15:00 á morgun)
Carlton Morris kemur Hötturunum yfir snemma leiks. Leikmenn Newcastle halda að þeir hafi nælt sér í jafntefli eftir slysalegt sjálfsmark í uppbótartíma en Jordan Clark skorar sigurmarkið í blálokin. Senur í stúkunni og í stofunni í Eskihlíðinni.

Sheffield United 1 - 4 Aston Villa (17:30 á morgun)
Aumingja Sheffield að mæta Villa eftir niðurlæginguna gegn Newcastle. Ollie Watkins er hrokkinn í gang og setur þrennu.

Bournemouth 2 - 1 Nottingham Forest (14:00 á sunnudag)
Solanke hetjan á Suðurströndinni. Skorar bæði mörkin þegar langt er liðið á leik.

Chelsea 3 - 1 Wolves (14:00 á sunnudag)
Argentínumaðurinn pattaralegi reddar djobbinu sínu, a.m.k. í bili með frekar þægilegum sigri í Lundúnum. Úlfarnir missa mann útaf snemma.

Man Utd 0 - 3 West Ham (14:00 á sunnudag)
Engin skömm að tapa fyrir meisturum Sambandsdeildarinnar, þótt á heimavelli sé.

Arsenal 1 - 2 Liverpool (16:30 á sunnudag)
Darwin vinur minn verður allt í öllu og leggur upp bæði mörkin fyrir Jota og Bradley.

Brentford 0 - 3 Man City (20:00 á mánudag)
Haaland verður ekki lengi að opna markareikninginn. Phil Foden með tvö í lokin.

Fyrri spámenn:
Aron Elís Þrándarson (7 réttir)
Rúnar Þór Sigurgeirsson (6 réttir)
Gunnar Ormslev (6 réttir)
Katla Tryggvadóttir (6 réttir)
Jóhann Skúli Jónsson (6 réttir)
Arnar Laufdal (6 réttir)
Tómas Þór Þórðarson (6 réttir)
John Andrews (6 réttir)
Arnar Daði (5 réttir)
Benedikt Bóas Hinriksson (5 réttir)
Fanney Inga Birkisdóttir (4 réttir)
Ægir Þór Steinarsson (4 réttir)
Sigurður Heiðar Höskuldsson (4 réttir)
Stefán Árni Pálsson (4 réttir)
Jón Kári Eldon (4 réttir)
Viktor Unnar Illugason (3 réttir)
Gregg Ryder (3 réttir)
Tómas Steindórsson (3 réttir)
Emil Atlason (3 réttir)
El Jóhann (2 réttir)
Davíð Snær Jóhannsson (2 réttir)

		L	U	J	T	ms:	mf:	mun	Stig
1	Arsenal	38	26	7	5	71	27	+44	85
2	Man City	38	23	9	6	77	35	+42	78
3	Man Utd	38	20	11	7	69	50	+19	71
4	Aston Villa	38	19	8	11	56	49	+7	65
5	Liverpool	38	17	9	12	63	53	+10	60
6	Bournemouth	38	13	18	7	58	54	+4	57
7	Sunderland	38	14	12	12	42	48	-6	54
8	Brighton	38	14	11	13	52	46	+6	53
9	Brentford	38	14	11	13	55	52	+3	53
10	Chelsea	38	14	10	14	58	52	+6	52
11	Fulham	38	15	7	16	47	51	-4	52
12	Newcastle	38	14	7	17	53	55	-2	49
13	Everton	38	13	10	15	47	50	-3	49
14	Leeds	38	11	14	13	49	56	-7	47
15	Crystal Palace	38	11	12	15	41	51	-10	45
16	Nott. Forest	38	11	11	16	48	51	-3	44
17	Tottenham	38	10	11	17	48	57	-9	41
18	West Ham	38	10	9	19	46	65	-19	39
19	Burnley	38	4	10	24	38	75	-37	22
20	Wolves	38	3	11	24	27	68	-41	20