Líklegt er að Gerard Deulofeu, kantmaður Watford, komi ekki meira við sögu á þessu tímabili vegna hnémeiðsla sem hann hlaut í 3-0 sigrinum á Liverpool á laugardag.
Deulofeu missteig sig illa um miðjan fyrri hálfleikinn og þurfti að bera hann af velli.
„Eftir að hann gekkst undir skoðun þá kom það í ljós að hann verður líklega ekki meira með á tímabilinu," sagði Nigel Pearson í samtali við Sky Sports.
Deulofeu er 25 ára og hefur verið á mála hjá Watford frá 2018. Hann er uppalinn hjá Barcelona.
Watford er eftir sigurinn á Liverpool í 17. sæti ensku úrvalsdeildarinnar, með jafnmörg stig og Bournemouth sem er í 18. sætinu.
Athugasemdir
