Garth Crooks hjá BBC hefur skilað inn liði helgarinnar á Englandi en um er að ræða leikina úr enska deildabikarnum og í ensku úrvalsdeildinni. Manchester City á tvo menn í liðinu eftir sigurinn í deildabikarnum. Manchester United á tvo menn í liðinu og Watford á þrjá fulltrúa eftir 3-0 sigurinn á Liverpool.
Claudio Bravo (Man City) - Varði frábærlega frá Bjorn Engels undir lokin í úrslitaleiknum gegn Aston Villa.
Christian Kabasele (Watford) - Hélt sóknarmönnum Liverpool niðri í mögnuðum sigri Watford.
Harry Maguire (Manchester United) - Var valinn maður leiksins gegn Everton.
Gary Cahill (Crystal Palace) - Eins og klettur í vörn Palace gegn erkifjendunum í Brighton.
Phil Foden (Manchester City) - Lagði upp fyrra mark City og var frábær á miðjunni gegn Aston Villa.
Bruno Fernandes (Man Utd) - Heldur áfram að stimpla sig inn af krafti hjá United. Skoraði með langskoti gegn Everton.
Diogo Jota (Wolves) - Skoraði gegn Tottenham og er nú með sex mörk í síðustu þremur leikjum.
Marcos Alonso (Chelsea) - Spánverjinn skoraði bæði mörk Chelsea gegn Bournemouth á útivelli.
Michael Antonio (West Ham) - Skoraði þriðja mark Hamranna gegn Southampton.
Troy Deeney (Watford) - Innsiglaði sigurinn gegn Liverpool.
Ismaila Sarr (Watford) - Skoraði tvö og var frábær í sigrinum á Liverpool.
Athugasemdir
