Ólafur Bjarni Hákonarson (KFG)
Ólafur Bjarni hér í leik með Víkingi Ólafsvík.
Ólafur Bjarni Hákonarson, leikmaður KFG, er leikmaður fjórðu umferðar í 2. deild karla í boði Ice.
Ólafur Bjarni fór með sínum mönnum á Húsavík og átti þar stórleik þar sem hann skoraði þrennu í flottum 1-3 sigri. KFG hefur komið á óvart í upphafi tímabils og er með níu stig í öðru sæti.
Ólafur Bjarni fór með sínum mönnum á Húsavík og átti þar stórleik þar sem hann skoraði þrennu í flottum 1-3 sigri. KFG hefur komið á óvart í upphafi tímabils og er með níu stig í öðru sæti.
„Það koma tveir til greina en ég ætla að velja Ólaf Bjarna," sagði Sverrir Mar Smárason í Ástríðunni þegar rætt var um leikmann umferðarinnar.
Bragi Karl Bjarkason, leikmaður ÍR, skoraði líka þrennu og gerði tilkall til að vinna þessi verðlaun þriðju umferðina í röð.
„Ólafur Bjarni skorar þrjú mörk í 1-3 sigri. ÍR hefði alveg unnið þó Bragi Karl hefði ekki verið þarna. Það er mín pæling í þessu," sagði Sverrir. „Hann skoraði mark með hjólhestaspyrnu."
Hægt er að hlusta á Ástríðuna hér að neðan og í öllum hlaðvarpsveitum.
Bestir í fyrri umferðum:
1. umferð - Björn Axel Guðjónsson (Víkingur Ó.)
2. umferð - Bragi Karl Bjarkason (ÍR)
3. umferð - Bragi Karl Bjarkason (ÍR)
Athugasemdir
