Florenzi gekk í raðir Milan á láni frá Roma fyrir síðustu leiktíð og átti þátt í að vinna deildina með liðinu í fyrsta sinn síðan 2011.

Hann spilaði 24 deildarleiki með liðinu en Milan átti möguleika að að gera félagaskiptin varanleg fyrir 4,5 milljónir evra.

Milan var greinilega ánægt með hans framlag og ákvað því að virkja kaupréttinn en hann gerði í dag þriggja ára samning við Milan.

Florenzi yfirgefur því Roma fyrir fullt og allt en hann var á mála hjá félaginu í tuttugu ár.

Hann lék 280 leiki og skoraði 28 mörk á tíma sínum hjá Roma.