Íslenski landsliðsmarkvörðurinn Elías Rafn Ólafsson stóð í marki danska liðsins Midtjylland í kvöld er liðið tapaði fyrir portúgalska liðinu Benfica, 4-1, í fyrri leik liðanna í þriðju umferð í forkeppni Meistaradeildar Evrópu.
Goncalo Ramos gerði sér lítið fyrir og skoraði þrennu gegn Elíasi en leikurinn fór fram á heimavelli portúgalska liðsins.
Midtjylland náði að klóra í bakkann undir lok leiks og er því smá vonarglæta fyrir síðari leikinn sem fer fram í Danmörku í næstu viku.
Elías spilaði allan leikinn í rammanum og verður væntanlega á sínum stað er liðin mætast aftur á þriðjudag.
Ísak Óli Ólafsson og félagar hans í danska C-deildarliðinu Esbjerg eru úr leik í danskabikarnum eftir 2-0 tap fyrir Kolding í kvöld. Ísak var í byrjunarliði Esbjerg en var skipt af velli undir lok leiksins.
Aron Einar Gunnarsson byrjaði þá í 2-0 sigri Al Arabi sem vann Qatar FC í úrvalsdeildinni í Katar. Hann lék allan leikinn en þetta var fyrsta umferðinn í QSL-deildinni.
Athugasemdir