Þorsteinn Aron Antonsson er genginn í raðir Selfoss á láni frá enska úrvalsdeildarfélaginu Fulham. Þorsteinn lék stórt hlutverk í liði Selfoss sem komst upp úr 2. deild sumarið 2020.

Þorsteinn er 18 ára gamall miðvörður sem var lánaður til Stjörnunnar í vetur og spilaði í Lengjubikarnum en fékk ekkert tækifæri í Bestu deildinni.

„Ég er ánægður með það að vera kominn aftur heim á Selfoss og fá að spila á besta velli landsins. Það eru spennandi hlutir að gerast hérna og ég ætla að gera mitt allra besta til þess að hjálpa liðinu í toppbaráttunni," sagði Þorsteinn við samfélagsmiðla Selfyssinga eftir undirskriftina.

Eftir tímabilið hér heima heldur Þorsteinn síðan aftur út til unglingaliðs Fulham.