Rúnar Alex Rúnarsson spilaði sinn fyrsta keppnisleik fyrir FC Kaupmannahöfn í gær þegar liðið vann öruggan 5-1 sigur á Magpies frá Gíbraltar í forkeppni Sambandsdeildarinnar.
Rúnar Alex gekk til liðs við FCK frá Arsenal í febrúar á frjálsri sölu. Hann gerði sig sekan um slæm mistök í marki Magpies þegar hann ætlaði að sparka boltanum út en boltinn fór af sóknarmanni Magpies og í netið.
Jacob Neestrup þjálfari FCK útskýrði eftir leikinn hvers vegna Rúnar var valinn í byrjunarliðið.
„Vegna þess að hann hefur lagt hart að sér. Ein mistök breytir engu, það getur gerst. Það kemur fyrir hjá bestu markmönnum í heimi," sagði Neestrup
„Við breyttum því hann hefur æft vel og hefur staðið sig vel í æfingaleikjum, hann hefur spilað lítið en hann hefur stutt liðið í gegnum súrt og sætt, auðvitað þurfti hann að spila þennan leik."
Neestrup gerði margar breytingar á byrjunarliðinu en Orri Steinn Óskarsson byrjaði m.a. á bekknum. Hann hefur byrjað tímabilið stórkostlega en hann hefur komið að tíu mörkum í síðustu sjö leikjum, hann kom inn á sem varamaður í gær og skoraði tvö mörk.
Úff Rúnar Alex.
— Orri Rafn Sigurdarson (@OrriRafn) August 1, 2024
Stuðningsmenn og andstæðingar FCK munu eiga field day næstu daga yfir þessum mistökum.
pic.twitter.com/AqtOpz9iIZ
