Heimild: blikar.is
Er hér í baráttunni við Hallgrím Mar í leiknum í gær.
Daniel Obbekjær hefur í sumar verið þriðji miðvörður Breiðabliks á eftir þeim Damir Muminovic og Viktori Erni Margeyrssyni. Daninn byrjaði í gær sinn fjórða deildarleik í sumar og hefur alls komið við sögu í sjö deildarleikjum. Obbekjær hefur verið í liðinu í síðustu tveimur leikjum vegna meiðsla Damirs.
Hann er 22 ára og skrifaði undir samning sem gildir út næsta tímabil. Hann hefur sýnt það að hann er einstaklega markheppinn því í gær skoraði hann sitt þriðja mark í sumar. Mörkin væru fjögur í fjórum byrjunarliðsleikjum ef markið hans á Akranesi fyrir átta dögum síðan hefði fengið að standa.
Hann er 22 ára og skrifaði undir samning sem gildir út næsta tímabil. Hann hefur sýnt það að hann er einstaklega markheppinn því í gær skoraði hann sitt þriðja mark í sumar. Mörkin væru fjögur í fjórum byrjunarliðsleikjum ef markið hans á Akranesi fyrir átta dögum síðan hefði fengið að standa.
Lestu um leikinn: KA 2 - 3 Breiðablik
Hann er hávaxinn sem hjálpar til við að komast í boltann í fyrirgjöfum, en hann er einnig naskur að þefa uppi hvar lausu boltarnir lenda, eins og hann sýndi í gær þegar hann var fyrstur á frákastið eftir aukaspyrnu Kristins Jónssonar.
Hann á reyndar talsverða sök í öðru marka KA í leiknum þegar hann missti boltann á stórhættilegum stað við eigin vítateig. Honum til eilítillar varnar þá fékk hann boltann með bakið í völlinn og fékk mikla pressu á sig, en hann hefði auðvitað átt að gera betur.
Úr viðtali við Halldór Árnason í síðustu viku:
Þegar þú ert með leikmann sem skorar í hverjum leik, af hverju spilar hann ekki alltaf?
„Ef hafsentar væru bara dæmdir af mörkum skoruðum hjá sér þá væri það svolítið skrítið. En hann er auðvitað stór og góður í föstum leikatriðum, bæði sóknar- og varnarlega. Markið gegn Fylki var auðvelt en markið gegn Vestra var geggjað. Markið í gær var svo mjög vel gert hjá honum, fann pláss á fjærstönginni. Það sést mjög vel í spiideo upptöku að markið í gær var löglegt. Hann þefar færin uppi sem er vel gert hjá honum."
Í umfjöllun blikar.is þegar Obbekjær samdi við Breiðablik kom fram að hann hafði árið 2020 farið til reynslu til enska úrvalsdeildarfélagsins Brighton. Ári síðar fór hann svo til SPAL á Ítalíu á lán, lék í Kanada í hálft tímabil og sumarið 2022 samdi hann svo við 07 Vestur í Færeyjum og var þar í eitt og hálft tímabil áður en hann kom í Breiðablik.
Í Færeyjum skoraði hann sex mörk í í deildinni og eitt í bikarnum í 48 leikjum, mark í áttunda hverjum leik. Obbekjær er uppalinn hjá OB í Danmörku og lék á sínum tíma 19 leiki fyrir yngri landslið Danmerkur.
Athugasemdir
